Մցխեթայի բժշկական կենտրոնում բուժում է ստանում կորոնավիրուսի 38 վարակակիր, նրանցից երկուսի վիճակը ծայրահեղ ծանր է

13:06, 17.06.2020

Մցխեթայի բժշկական կենտրոնում այս պահի դրությամբ բուժում է ստանում կորոնավիրուսի 38 վարակակիր:

Նրանց վիճակը տարբեր ծանրության է:

Կլինիկայի տնօրեն Լիկա Մումլաձեի հայտարարությամբ, վարակակիրներից երկուսի վիճակը ծայրահեղ ծանր է և նրանք վերակենդանացման բաժանմունքում են, միացված արհեստական շնչառության սարքին:

«Մեզ մոտ հիմնականում այն մարդիկ են, որոնք հատել են սահմանը, մի քանի պացիենտ ունենք նաև Մուշևանից: Ինչ վերաբերում է նոր պացիենտներին, նրանք տեղափոխվել են Թբիլիսիից, մասնավորապես, Սաբուրթալոյից երկու պացիենտ – տատիկ և թոռնիկ: Կինը ծայրահեղ ծանր վիճակում է և միացված է արհեստական շնչառության սարքին, ինչ վերաբերում է նրա թոռանը, 20-ամյա տղային, նրա վիճակը բավարար է»,- հայտարարել է Լիկա Մումլաձեն:

Կլինիկայում առաջիկայում սպասում են մի քանի պացիենտի առողջացմանը:

Հեղինակ - Anna Badalian

COVID-19

Հասարակական

Կորոնավիրուս