Թբիլիսիի ինֆեկցիոն հիվանդանոցի բժշկական տնօրեն Մարինա Էզուգբաիայի խոսքով, երեկ առավոտվից մինչև այսօր Վրաստանում հաստատվել է կորոնավիրուսի 18 նոր դեպք:

Նրա խոսքով, այս պահի դրությամբ «կովիդ-կենտրոններ»-ում բուժում է ստանում 258 պացիենտ:

«Երեկվա տվյալներով ունեինք հաստատված 677 դեպք: Ավելացել է 18 նոր հաստատված դեպք՝ հասնելով 695-ի: Ապաքինվածների թիվը 419-ն էր, միայն վեց ավելացում ունենք և այս պահին նրանց թիվը կազմում է 425: Այս պահի առկա տեղեկությամբ, «կովիդ-կենտրոններ»-ում բուժում է ստանում 258 պացիենտ», – հայտարարել է Էզուգբաիան:

Ինչ վերաբերում է նոր դեպքերին, Էզուգբաիայի խոսքով, 18 նոր դեպքից ութը Բոլնիսի շրջանից է:

«Հիմնականում, նրանք Գետա և Մուշևան գյուղերից են: Հաջորդ ութը վարակակիրների հետ շփում ունեցողներն են: հաստատված դեպքերն արդեն վարակվածների հետ կապ ունեցողներն են: Միայն երկուսն է նոր հաստատված դեպք, որն էլ գրանցվել է կարանտինային տարածքում: Կուսումնասիրվեն նրանց շփումների շրջանակը:

Բոլնիսիի ութ դեպքից չորսը մեզ մոտ են, մյուսները` այլ կենտրոններում: Ես երեկ ձեզ ասացի, որ մեզ մոտ ենք տեղափոխել չորս պացիենտի՝ հաստատված դեպքի ընտանիքի անդամներ: Չորսի մոտ էլ հաստատվել է կորոնավիրուս», – ասել է Էզուգբաիան:

Սրա հետ մեկտեղ, այն հարցին, որ առկա տեղեկությամբ, կորոնավիրուսը շրջում է Սամեգրելոյում, հաստատվել է վարորդի ընտանիքի անդամների մոտ, Էզուգբաիան պատասխանել է, որ նրանց տեղափոխել են Ռուխիի հիվանդանոց:

Հեղինակ՝   Անժելլա Սարոյան