«Լեյբորիստական կուսակցության» երիտասարդական թևի ներկայացուցիչները ցույց են արել Թբիլիսիի քաղաքապետարանի մոտ:

Ցուցարարները շղթայով արգելափակել են Թբիլիսիի քաղաքապետարանի մեքենաների մուտքը:

«Մեր պահանջն է վերականգնել հասարակական տրանսպորտի երթևեկությունը: Մարդիկ չեն կարող գնալ աշխատանքի: Մենք քաղաքապետարանին պատկանող ոչ մի մեքենա չենք թողնի», – հայտարարել է «Լեյբորիստական կուսակցության» անդամ Ամիրան Նատրիաշվիլին:

Ինչպես նշել է ցուցարարն, Մամուկա Ջուղելին, հասարակական տրանսպորտի արգելքի պատճառով մարդիկ կիլոմետրեր են ոտքով անցնում աշխատանքի հասնելու համար:

«Անօրինական կառավարությունը, որը երկարացրել է պարետային ժամը և սահմանափակել հասարակական տրանսպորտի աշխատանքը, պետք է ժամանակին վերացնի բոլոր սահմանափակումները, որոնք էլ ավելի են աղքատացնում աղքատներին: Թող բարեհաճեն Կախա Կալաձեն, մյուս նախարարներն և բարձրաստիճան պաշտոնյաները, ոտքով գնան տուն կամ մի կտոր հաց որոնելու համար, և տեսնեն, թե ինչպես են ապրում սովորական մարդիկ», – հայտարարել է Մամուկա Ջուղելին: