Կորոնավիրուսի պատճառով չեղարկվել է Եվրախորհրդի խորհրդարանական վեհաժողովի գարնանային նստաշրջանը

10:12, 18.03.2020

Կորոնավիրուսի համաճարակի պատճառով, չեղարկվել է Եվրախորհրդի խորհրդարանական վեհաժողովի գարնանային նստաշրջանը:

Համապատասխան հայտարարությունը տեղադրվել է վեհաժողովի պաշտոնական կայքում: Նիստը նշանակված էր ապրիլի 20-24-ը՝ Ստրասբուրգում:

Հայտարարության համաձայն, որոշումն ուղղված է վեհաժողովի անդամների, հյուրերի և վեհաժողովի աշխատակազմի անվտանգության և բարեկեցության պաշտպանությանը:

Ավելի վաղ Եվրախորհրդի խորհրդարանական վեհաժողովը չեղյալ էր հայտարարել մարտի վերջին նշանակված հանձնաժողովների նիստերը:

Հեղինակ - edgar barsegyan