Վրաստանի արտաքին գործերի նախարարության որոշմամբ, բոլոր այն հյուպատոսական հաստատությունները, որոնք գտնվում են կորոնավիրուսի ակտիվ տարածման գոտում, աշխատում են արտակարգ ռեժիմում և գործարկվել են թեժ գծի լրացուցիչ հեռախոսահամարներ:

Իտալիայում կորոնավիրուսի վարակման դեպքերի ավելացման և Վրաստանի քաղաքացիների դիմելիության ավելացման հետ կապված, Իտալիայում Վրաստանի դեսպանության հյուպատոսական ծառայությունում գործարկվել են թեժ գծի լրացուցիչ հեռախոսահամարներ:

Ինչպես մեկնաբանում են Վրաստանի արտաքին գործերի նախարարությունում, Իտալիայի Հանրապետությունում Վրաստանի դեսպանությունը կայքէջում և սոցիալական ցանցերով հրապարակում է հայտարարություն և Վրաստանի քաղաքացիներին կոչ անում, ենթարկվել տեղի իշխանության հրահանգներին և հանձնարարականներին: Շնչառական ախտանշանների դեպքում (բարձր ջերմություն, հազ, կոկորդի ցավ) զանգահարել Իտալիայի առողջապահության նախարարության հրապարակված թեժ գծին. 112 և 118 հեռախոսահամարներով: Ինչպես նաև՝ անհրաժեշտության դեպքում կապ հաստատել Հռոմում Վրաստանի դեսպանության հետ՝ (+39 33) 3887-91-23; (+39 35) 0131-21-31; (+39 35) 0148-31-14 հեռախոսահամարներով:

Կորոնավիրուսի դեմ պայքարի և հանձնարարականների մասին լրացուցիչ տեղեկություն ստանալու համար կարող եք այցելել Վրաստանի կառավարության կողմից ստեղծված հատուկ կայքէջ՝ https://stopcov.ge/ հասցեով: