Կորոնավիրուսի երկու նոր դեպքերից մեկը Թեթրիծղարոյի հաստատված դեպքի շփման շրջանակից է, մյուսը՝ կարանտինային տարածքից

11:14, 22.05.2020

Կորոնավիրուսի երկու նոր դեպքից մեկը կապված է «Թեթրիծղարոյի» կլաստերի հետ, մյուսը կարանտինի տարածքից է,- այս մասին հայտարարել է Թբիլիսիի ինֆեկցիոն կլինիկայի բժշկական տնօրեն Մարինա Էզուգբաիան:

Նրա խոսքով, երեկվա տվյալներով, Վրաստանում հաստատված էր կորոնավիրուսի 721 դեպք, որին ավելացել է ևս երկուսը: Ապաքինվել է ևս 10 պացիենտ:

«Ընդամենը երկու դեպք է ավելացել և այժմ ունենք 723 դեպք: Ապաքինվածների թիվն ավելացել է 10-ով, ունեինք 485 և այժմ 495 է: Այս տվյալներով այս պահի դրությամբ կորոնավիրուսի ախտորոշմամբ բուժում է ստանում 216 պացիենտ:

Վերջին 24 ժամում հաստատված երկու նոր դեպքերից մեկը Թեթրիծղարոյի հաստատված դեպքի շփման շրջանակից է, մյուսը՝ կարանտինային տարածքից»,- հայտարարել է Մարինա Էզուգբաիան:

Հեղինակ - Anna Badalian

COVID-19

Հասարակական

Կորոնավիրուս