Եվրոպական խորհրդի նախագահ, Շառլ Միշելի անձնական ներկայացուցիչ Քրիստիան Դանիելսոնը հանդիպում է «Միասնական ազգային շարժում-Ուժը միասնության մեջ է» ընտրական դաշինքի ներկայացուցիչների հետ: Հանդիպմանը մասնակցում են Սալոմե Սամադաշվիլին, Ակակի Մինաշվիլին և Խաթունա Սամնիձեն: Քաղաքական միավորման ներկայացուցիչների խոսքով, բանակցությունների և համաձայնագրի արդյունքը պետք է լինի երկիրը արտահերթ ընտրություններին տանելու ուղու որոնումը:

Դրանից առաջ Քրիստիան Դանիելսոնը հանդիպել է «Վրացական երազանքի» ներկայացուցիչների հետ:

Հանդիպումներն անց են կացվում Վրաստանում Եվրամիության ներկայացուցչության գրասենյակում, որին մասնակցում են նաև Վրաստանում Եվրամիության և ԱՄՆ-ի դեսպանները: Օրվա ընթացքում նախատեսված են հանդիպումներ տարբեր ընդդիմադիր կուսակցությունների ներկայացուցիչների հետ: