«Վրացական երազանքի» ներկայացուցիչները այսօր ևս մեկ հանդիպում կանցկացնեն Քրիստիան Դանիելսոնի հետ
«Վրացական երազանք» կուսակցության նախագահ, Իրակլի Կոբախիձեի հայտարարությամբ, Եվրոպական խորհրդի նախագահ, Շառլ Միշելի անձնական ներկայացուցիչ, Քրիստիան Դանիելսոնի հետ այսօր կայացած հանդիպմանը, քննարկել են հնարավոր համաձայնության մի քանի տարբերակ:
Նրա խոսքով, «Վրացական երազանքը» Դանիելսոնի հետ հանդիպելու է այսօր ժամը վեցին, իսկ վաղը հանդիպումը տեղի կունենա ընդլայնված ձևաչափով:
«Այսօր մենք ունեցանք ևս մեկ հանդիպում, որտեղ քննարկեցինք հնարավոր համաձայնության որոշ մանրամասներ, որոնց շուրջ ընթանում է երկխոսությունը: Հանդիպումները տեղի կունենան օրվա ընթացքում, ևս մեկ այլ հանդիպում կունենանք այսօր ժամը վեցին և կշարունակենք քննարկել մանրամասները: Ենթադրաբար, վաղը երկխոսությունն ու քննարկումը կշարունակվի ընդլայնված ձևաչափով», – հայտարարել է Կոբախիձեն: