Քոբուլեթիի «կլաստերից» կորոնավիրուսից արդեն բուժվել է 7 մարդ

19:29, 27.04.2020

Քոբուլեթիի «կլաստերից» կորոնավիրուսից արդեն բուժվել է 7 մարդ:

Աջարիայի առողջապահության նախարար Զաալ Միքելաձեի հայտարարությամբ, այսօր Բաթումիի «Մեդալֆա» կլինիկայում ապաքինված բոլոր 4 պացիենտները կապված են Քոբուլեթիի «կլաստերի» հետ, ինչպես նաև ապաքինվել է մեկ անչափահաս, ով բուժում էր անցնում Քութաիսիի կլինիկայում:

Բացի այդ, ապաքինվել է 55 տարեկան կին, ով նշված «կլաստերի» առաջին դեպքն էր, և նաև նրա որդին:

Քոբուլեթիի «կլաստերի» հետ է կապված կորոնավիրուսով վարակվելու 35 դեպք: Ապաքինվել է 7 և զոհվել՝ մեկ պացիենտ:

Ընդհանուր, Աջարիայի շրջանում նոր կորոնավիրուսից բուժվել է 20 մարդ: «Մեդալֆա» կլինիկայում մնում է 33 վարակակիր:

Հեղինակ - Anna Badalian

Հասարակական

Շրջաններ

Կորոնավիրուս