Իլիա Երկրորդը ընդունել է Ռոս Ուիլսոնին և նրա կնոջը
16:04, 21.03.2019
Համայն Վրաստանի կաթողիկոս-պատրիարքը հոգևորականների հետ միասին ընդունել է ԱՄՆ դեսպանի պաշտոնակատար Ռոս Ուիլսոնին և նրա կնոջը՝ Մարգո Սքուաերին:
Այս մասին տեղեկություն է տարածում Վրաստանի պատրիարքարանը:
«Համայն Վրաստանի կաթողիկոս պատրիարքը զրուցել է մեր երկրի իրավիճակի մասին, ընդգծել օկուպացված տարածքների խաղաղ ճանապարհով վերադարձի անհրաժեշտությունը և ԱՄՆ-ի կողմից Վրաստանի նկատմամբ ցուցաբերած աջակցության համար հայտնել շնորհակալություն:
Հանդիպման ավարտին Իլիա Երկրորդը Ռոս Ուիլսոնին և նրա կնոջը փոխանցել է հուշանվերներ և հայտնել համագործակցության խորացման պատրաստակամություն»,- ասվում է Վրաստանի պատրիարքարանի կողմից տարածած հայտարարությունում:
