Հայաստանում արձանագրվել է կորոնավիրուսի 524 նոր դեպք

11:32, 31.08.2021

Հայաստանում վերջին 24 ժամում արձանագրվել է կորոնավիրուսի 524 նոր դեպք, ապաքինվել է 361 պացիենտ:

Բացի այդ, վերջին մեկ օրում «կովիդ 19»-ից մահացել է 14 մարդ, ևս երեք վարակվածի մահվան պատճառ է անվանվում այլ հիվանդությունը:

Տեղեկությունը տարածում է հայկական մամուլը՝ վկայակոչելով երկրի առողջապահության նախարարությունը:

Անցած օր ու գիշերվա ընթացքում Հայաստանում կատարվել է 5 666 թեստ:

Օգոստոսի 31-ի դրությամբ, համավարակի մեկնարկից մինչ օրս Հայաստանում արձանագրվել է կորոնավիրուսի 242 165 դեպք, այստեղից ապաքինվել է՝ 227 026 պացիենտ:

Ինչ վերաբերում է մահացության դեպքերին, Հայաստանում կորոնավիրուսից մահացել է 4 844 մարդ: Եվս 1 155 վարակվածի մահվան պատճառ է անվանվում այլ հիվանդությունը:

Հեղինակ - edgar barsegyan

Միջազգային

Կորոնավիրուս

Հայաստան