Հիվանդությունների վերահսկման ազգային կենտրոնի ղեկավարի տեղակալ, Պաատա Իմնաձեի տեղեկությամբ, տարբեր խմբերում կորոնավիրուսի փորձարկման տվյալները հուսալի են:

Ըստ նրա, դա վկայում է այն մասին, որ Վրաստանում համավարակաբանական իրավիճակը կայունանում է, և կարևոր է պահպանել այդ միտումը:

«Այսօր մենք շատ հետաքրքիր տվյալներ ունենք, ավելի քան 4000 տաքսու վարորդներ փորձարկվել են կորոնավիրուսի վրա, և եթե չեմ սխալվում, տաքսու վարորդներում դրական արդյունք է ունեցել 0,7 տոկոսը: Փորձարկվել են նաև  գյուղատնտեսական շուկաների մինչև 4000 աշխատող և նրանց մոտ վարակվածների տոկոսը կազմել է 0.9 տոկոս: Տվյալները բավականին խոստումնալից են: Նաև փորձարկվել են բոլոր դավանանքի կրոնական սպասավորներից 1800-ը ՝ դրական պատասխանները մինչև մեկ տոկոս:

Այսպիսով, բոլոր խմբերում փորձարկումները ցույց են տալիս, որ մենք շարժվում ենք դեպի կայունացում, գլխավորն այն է, որ պահենց դա, որպեսզի երբ կբացվենք, վարակման ցուցանիշը լինի հնարավորինս ցածր և մենք ինչ-որ կերպ խուսափենք երրորդ ալիքից»,- հայտարարել է Պաատա Իմնաձեն: