Անայցագրային ռեժիմի կասեցման մասին չեմ զրուցել, քանի որ համագործակցությունը շարունակվում է, սակայն այդ հնարավորությունը, հավանաբար, կա,- այս մասին հայտարարել է Ֆրանսիայի ներքին գործերի նախարար Կրիստոֆ Կաստաները, Վրաստանի ներքին գործերի նախարար Գիորգի Գախարիայի հետ հանդիպման ավարտին անցկացված մամլո ասուլիսին:

Ֆրանսիայի ներքին գործերի նախարարը պատասխանել է ֆրանսիացի լրագրողի հարցին – «Ինչպես կբացատրեք ապաստան փնտրողների այսպիսի աճը Ֆրանսիայում, երբեմն խոսվում է անայցագրային ռեժիմի կասեցման մասին, որը հնարավոր է, Ֆրանսիային ստիպի, վերանայել անայցագրային ռեժիմը, և ինչպիսին է Ֆրանսիայի դիրքորոշումը Վրաստանի էմիգրացիայի առնչությամբ»:

Կրիստոֆ Կաստաների խոսքով, վրացական կողմի հետ այս հարցի առնչությամբ ընթանում է համագործակցություն:

«Կասեցման մասին չեմ խոսել, քանի որ համագործակցությունը շարունակվում է, սակայն այդ հնարավորությունը, հավանաբար, կա: Այսօր շատ մեծ աճ է ապաստան փնտրողների, ինչպես նաև առողջապահության ոլորտում կա ծառայության շատ մեծ պահանջ: Ցանկանում եմ, շնորհակալություն հայտնել Վրաստանին, որ համագործակցում է մեզ հետ այս տեսանկյունից և այս հարցերը դեռևս բարձրացված չեն»,- հայտարարել է Ֆրանսիայի ՆԳ նախարարը:

Նրա խոսքով, ապաստան փնտրողների թիվը նկատելի դարձավ 2017 թվականից: