ՀՀ Կենտրոնական ընտրական հանձնաժողովը համաձայնել է քրեական գործ հարուցել երկրի նախկին նախագահ Ռոբերտ Քոչարյանի դեմ,- հայտնել է Քոչարյանների փաստաբան Արամ Օրբելյանը։

Պաշտպանության կողմի պնդմամբ՝ մեղադրանքները վերաբերում են 2004-2009 թվականներին տեղի ունեցած իրադարձություններին և կապված են ուսումնական հաստատության գույքի օտարման հետ։ Հետաքննությունը պնդում է, որ մի քանի միլիարդ դրամ արժողությամբ գույքը վաճառվել է 12 միլիոն դրամով և հետագայում փոխանցվել է Քոչարյանների ընտանիքի անդամներից մեկի սեփականությանը։

Քոչարյանի փաստաբանը հերքել է հետաքննության մեղադրանքները։ Նրա խոսքով՝ գույքը օտարելու որոշումը կայացրել է կառավարությունը, որի կազմում  Քոչարյանիը չի եղել։ Փաստաբանի պնդմամբ՝ փաստաթղթի նախագահի կողմից հաստատումը 1995 թվականի Սահմանադրությամբ սահմանված ընթացակարգի մաս է կազմել։

Պաշտպանությունը համապատասխան նյութեր է ներկայացրել Կենտրոնական ընտրական հանձնաժողով։ Օրբելյանի խոսքով՝ ՀՀ նախկին նախագահը մասամբ հերքում է մեղադրանքները։ Սակայն, փաստաբանի պնդմամբ, հանձնաժողովը չի քննարկել իրավական փաստարկները և չի գնահատել գործում ներկայացված նյութերը։

Հայաստանի գլխավոր դատախազությունը հունիսի 16-ին դիմել է Կենտրոնական ընտրական հանձնաժողովին` Ռոբերտ Քոչարյանի նկատմամբ քրեական հետապնդում սկսելու համաձայնություն ստանալու համար։