Ստեղծվում է դեղերի ազգային լաբորատորիա ինչպես տեղական, այնպես էլ ներմուծվող դեղագործական արտադրանքի որակի ուսումնասիրման համար, – այս մասին հայտարարել է օկուպացված տարածքներից տեղահանվածների, աշխատանքի, առողջապահության և սոցիալական հարցերի նախարար Էկատերինե Տիկարաձեն՝ «նախարարի ժամ» ձևաչափով խորհրդարանում ելույթ ունենալիս:

Նախարարի խոսքով, դեղերի լաբորատորիայի ստեղծման համար արդեն մոբիլիզացվել է համապատասխան բյուջե և ենթակառուցվածք:

«Մինչ այժմ մենք ստիպված ենք դիմել եվրոպական լաբորատորիաներին` դեղերի որակը ստուգելու համար, ինչը կարևոր խոչընդոտ է դեղերի որակի շարունակական վերահսկման համար: Դեղերի լաբորատորիայի ստեղծման համար արդեն մոբիլիզացվել է համապատասխան բյուջե և ենթակառուցվածք: Դեղերի որակը, բացի անվտանգությունից և արդյունավետությունից, գների կարգավորման գործիքներից մեկն է: Վերոնշյալ վերահսկողական գործընթացները կլինեն հնարավորինս ինտենսիվ և թափանցիկ, որպեսզի վերջապես ավարտվի կուլիսային լոբբինգը, որը լիովին չի ծառայում մեր բնակչության լավագույն շահերին», – ասաց Էկատերինե Տիկարաձեն: