Օկուպացման ռեժիմի կողմից ձերբակալված Մայա Օթինաշվիլու ընտանիքը Կարմիր խաչի ներկայացուցիչներից ստացել է տեղեկություն, որ ձերբակալվածի մոտ չեն նկատվում ֆիզիկական վնասվածքներ:

Ինչպես հայտնել է Առաջին ալիքին Մայա Օթինաշվիլու ամուսինը, Իգոր Մաղիշվիլին, երեկ ուշ երեկոյան նրա հետ հեռախոսով կապ են հաստատել Կարմիր Խաչի ներկայացուցիչները և փոխանցել հակիրճ տեղեկութթյուն:

Իգոր Մաղիշվիլու խոսքով, Մայա Օթինաշվիլուն տեսակցել են Կարմիր խաչի Ցխինվալիի գրասենյակի ներկայացուցիչները և ինչպես նրանք են հայտարարում, օկուպացման ռեժիմի կողմից ձերբակալվածի մոտ չկային արտաքին վնասվածքներ:

Վրաստանի Ժողովրդական պաշտպան Նինո Լոմջարիան «Ֆեյսբուքի» էջում գրել էր, որ ընտանիքի տեղեկությամբ, ռուս զինվորականների կողմից ձերբակալված Մայա Օթինաշվիլին ծեծված է:

Ռուս զինվորականները օկուպացված գոտու Գորիի շրջանի Խուրվալեթի գյուղում բնակվող 37-ամյա կնոջը ձերբակալել էին սեպտեմբերի 29-ին: Ցխինվալիից ստացած վերջին տեղեկությամբ, դե ֆակտո Ցխինվալիի ներկայացուցիչ Եգոր Կոչիևը հայտարարել է, որ անօրեն ձերբակալված Մայա Օթինաշվիլուն դե ֆակտո դատախազությունը սահմանել է 10-օրյա նախնական կալանք: