Ամերիկայի միացյալ նահանգների նախագահ Դոնալդ Թրամփի նախկին փաստաբան Մայքլ Քոենը Մանհեթենի դատարանի առջև խոստովանել է 8 գործում մեղավոր լինելու փաստը և դատախազների հետ կնքել գործընթացային պայմանագիր,- այս մասին տեղեկություն է տարածում BBC-ն:

Քոենը ճանաչել է նախագահական քարոզարշավի ժամանակ ֆինանսական խախտումները, հարկային և բանկային խարդախությունները:

Ինչպես տեղեկացնում է լրատվամիջոցը, Քոենը դատական նիստին հայտարարել է, որ նա գործում էր ընտրությունների վրա ազդեցություն գործելու նպատակով:

Քոենի կողմից մեղադրանքների ճանաչումը մեկնաբանելուց հրաժարվել է Դոնալդ Թրամփը: Նշված հարցին չի արձագանքել նաև Սպիտակ տունը:

ԱՄՆ-ի նախագահի նախկին փաստաբանի դեմ մեղադրանքները նկատի ունի 65 տարվա ազատազրկում, սակայն Մայքլ Քոենը հույս է հայտնում, որ դատախազների հետ կնքված համաձայնությունից հետո, նրա պատիժը կկրճատվի մինչև 5 տարի:

Ինչպես տեղեկացնում է BBC-ն, Մայք Քոենի գործով վճիռը հայտարարվելու է դեկտեմբերի 12-ին:

Դատարանի որոշմամբ, Քոենին հնարավոր է ազատ արձակեն 500 000 դոլլար գրավ վճարելուց, անձնագիրը և զենքը հանձնելուց հետո: