Աշխարհում կորոնավիրուսից ապաքինվել է 103 334 մարդ

21:46, 24.03.2020

Աշխարհում կորոնավիրուս «COVID-19»-ից ապաքինվել է 103 334 մարդ: Այս մասին տեղեկություն է տարածում Ջոն Հոփքինսի համալսարանը:

Համալսարանի տվյալների բազայի հիման վրա, աշխարհի մասշտաբով նոր տիպի կորոնավիրուս է գրանցվել 398 107 մարդու մոտ, իսկ 17 454-ը վարակի հետևանքով մահացել է:

Վարակվելու ամենաբարձր ցուցանիշ է գրանցվել Չինաստանում, որտեղ 81 591 վարակակիրներից ավելի քան 70 000-ը առողջացել է:

Ամենաշատ թվով զոհեր է կրել Իտալիան, որտեղ վարակից զոհվել է 6 077 մարդ: Երկրում արձանագրվել է վարակման 63 927 դեպք:

Բացի այդ, կորոնավիրուսից 2 800 մարդ է մահացել Իսպանիայում, վարակակիրների թիվը 39 676 է:

Հեղինակ - Anna Badalian

COVID-19

Միջազգային

Կորոնավիրուս