Աշխարհում կորոնավիրուսի հետևանքով մահացածների թիվը մոտենում է 800 000-ին

11:15, 21.08.2020

Աշխարհում կորոնավիրուսի հետևանքով մահացածների թիվը մոտենում է 800 000-ին: Տեղեկությունն այս մասին տարածում է Ջոնս Հոփքինսի համալսարանը:

Վերջին տվյալներով, գլոբալ համավարակից զոհվել է ավելի քան 793 000 մարդ:

Վարակակիրների ընդհանուր թիվը հասնում է 22 միլիոն 700 հազարի:

Զոհերի թվով աշխարհում առաջին տեղում է ԱՄՆ-ը, որտեղ վարակից զոհվել է ավելի քան 170 հազար մարդ: Երկրորդ տեղում է Բրազիլիան՝ 112 հազար զոհվածով և այնուհետև Մեքսիկան, որտեղ մահացել է 56 100 պացիենտ:

Վերջին օրերին կորոնավիրուսի նոր դեպքերի թիվն ավելանում է նաև Եվրոպայում: Զգալի աճ է դիտվում Ֆրանսիայում, Իսպանիայում և Գերմանիայում:

Վարակի նոր դեպքերի ռեկորդային ցուցանիշ է արձանագրվել Հնդկաստանում, որտեղ մեկ օրում կորոնավիրուս է ախտորոշվել 68 հազար մարդու մոտ:

Հեղինակ - Anna Badalian

COVID-19

Միջազգային

Կորոնավիրուս