Աշխարհում անցած օր ու գիշերվա ընթացքում արձանագրվել է կորոնավիրուսով վարակման ավելի քան 590 000 դեպք

00:13, 16.11.2020

Աշխարհում անցած օր ու գիշերվա ընթացքում արձանագրվել է կորոնավիրուսով վարակման ավելի քան 590 000 դեպք: Այս մասին տեղեկատվությունը տարածում է առողջապահության համաշխարհային կազմակերպությունը:

Ըստ ՄԱԿ-ի կազմակերպության տվյալների, վերջին մեկ օրվա ընթացքում «կովիդ 19»-ից մահացել է 8 212 մարդ: Նոր դեպքերի ավելի քան 42 տոկոսը գալիս է Հյուսիսային և Հարավային Ամերիկայի երկրների վրա, որին հաջորդում է Եվրոպան:

Համավարակի բռնկումից ի վեր, աշխարհի 220 երկրների և տարածքների վրա կորոնավիրուսային վարակը հաստատվել է ավելի քան 53,7 միլիոն մարդու մոտ, որոնցից ավելի քան 1 միլիոն 300 հազար մարդ մահացել է:

Աշխարհում վարակվածության և մահացության ցուցանիշով առաջին տեղն է զբաղեցնում ԱՄՆ-ը, որտեղ վարակը հաստատվել է ավելի քան 10 միլիոն մարդու մոտ:

Հեղինակ - edgar barsegyan

COVID-19

Միջազգային

Կորոնավիրուս