Աշխարհում անցած օր ու գիշերվա ընթացքում արձանագրվել է կորոնավիրուսի ավելի քան 660 000 դեպք: Այս մասին տեղեկատվությունը տարածում է Առողջապահության համաշխարհային կազմակերպությունը:

ՄԱԿ-ի կազմակերպության հաղորդմամբ, համավարակի տարածումից ի վեր «կովիդ 19»-ը արդեն հաստատվել է աշխարհում 89,04 միլիոն մարդու մոտ:

Վերջին 24 ժամում, կորոնավիրուսային վարակից աշխարհում մահացել է ավելի քան 11 000 մարդ, զոհերի ընդհանուր թիվը հասցնելով ավելի քան 1,93 միլյոնի:

Կորոնավիրուսով վարակման նոր դեպքերի ավելի քան 57 տոկոսը գալիս է Հյուսիսային և Հարավային Ամերիկայի վրա: Երկրորդ տեղում Եվրոպայի տարածաշրջանն է, իսկ երրորդում `Հարավարևելյան Ասիան:

Վարակման և մահացության քանակով առաջին տեղում Միացյալ նահանգներն են, որտեղ արձանագրվել է «կովիդ 19»-ի ավելի քան 22 միլիոն դեպք, վարակից մահացել է ավելի քան 375 000 մարդ: