Աջարիայում արձանագրվել է կորոնավիրուսի 23 նոր դեպք

12:38, 17.03.2021

Աջարիայի տարածաշրջանում արձանագրվել է կորոնավիրուսի 23 նոր դեպք: Տեղեկատվությունը տարածում է Աջարիայի առողջապահության նախարարությունը:

Գերատեսչության հաղորդմամբ, ապաքինվել է վեց պացիենտ, և մինչ այսօր ապաքինված անձանց թիվը կազմել է 35 866:

Բացի այդ, կլինիկաներից դուրս է գրվել երեք պացիենտ: Երեք պացիենտի վիճակը ծայրահեղ ծանր է, նրանք միացված են արհեստական շնչառության սարքին:

Տարածաշրջանի կլինիկաներում բուժում է ստանում 100 պացիենտ, կովիդ-հյուրանոցներում գտնվում է՝ 26 մարդ, առցանց-կլինիկայում դիտարկման տակ է՝ 71 վարակված:

Հեղինակ - edgar barsegyan