«Иахьа адунеи зехьынџьара акоронавирус иахәаҧшуеит абжьааҧнытә асезонтә вирус ҳасабала, уи хшыҩзышьҭра ҷыда азутәым», — иҳәеит Қырҭтәыла агәабзиарахьчара аминистр  Зураб Азарашвили.

«Ишыжәдыруа ала,  мызқәак раҧхьа ҳара   хазы иҟоу афактқәа ралкаара ҳаҟәыҵит. Аковид апандемиа хыркәшоуп, акоронавирус абжьааҧнытә асезонтә вирусны иҟалеит», — иҳәеит агәабзиарахьчара аминистр.

Зураб Азарашвили ишиҳәаз ала, акоронавирус иарбанызаалак авариант ҿыц  ахьӡ ҿыц арҭоит, иаҳҳәап  EG.5, уи аҭҵаара иаҿуп, аха, ауааҧсыра баша имгәамҵырц азыҳәан, инарҭбаау аинформациа рыҭатәым.

«Аиашаз, ҳзыргәамҵша акгьы ҟамлеит. Аҭагылазаашьа аҽаҧсахыр,  Агәабзиарахьчара аминистрра,  зыҧшра ҟамҵакәа, ауаа аинформациа рызцәырнагоит.  Акоронавирус аепидемиа иасхьеит.   Иахьазы акоронавирус  — абжьааҧнытә асезонтә вирусуп», — иҳәеит  Зураб Азарашвили.