Европатәи аекономика азарал ду амоуп. 1% еиҳаны аекономикатә азҳара змоу, шамахамзар, дуҧылом, уи ақәҿиара дуны иҧхьаӡоуп, убри аҟынтә, шәара ишәымоу 7%-тәи аекономикатә азҳара агалактикатә хҭысуп, – иҳәеит Венгриа аԥыза-министр Қырҭтәылеи Венгриеи реиҳабырабжьаратә комиссиа аҩбатәи аилатәараҿ.

Виктор Орбан ишиҳәаз ала, Венгриа абри аҩыза еизыҟазаашьақәа ҩба-хԥа ҳәынҭқаррак мацара рҟны амоуп.

“Ари аформатаҿ еиуеиҧшым аминистррақәа русеицура азҵаара ҳахәаҧшуеит, уи алагьы иубарҭоуп хазы министррақәак ракәымкәа, инеизакны аиҳабыра зегьы ҳтәыла аиҳабыра аус шрыцыруа. Ҳара ҳпрактикаҿы, шамахамзар, абри аҩыза ахҭыс уҧылом, иаҵшьны иазгәасҭар сҭахуп – Қырҭтәыла, насгьы, ҳаҭыр зқәу аҧыза-министр, шәара аус шәыцура ҳара ҳзы ҳаҭыр дууп – избанзар, авенгрцәа аҭоурых ҷыдала пату ақәырҵоит, шәара аҭоурых ссир шәымоуп. Шәара ҳара ҳаасҭа акырӡа идуу ақьырсиантә ҭоурых шәымоуп. Аус шәыцура ҳара ҳзы ҳаҭыр дууп, избанзар, аҩ-тәылак ахақәиҭра бзиа иаабоит. Сыҧсадгьыл бзиа избоит, стәыла сгәы аздууп – Мраҭашәараҿ абарҭ ажәақәа рҳәара ҧхашьароуп ҳәа ирыҧхьаӡоит, уажәшьҭа егьырҳәом, аха, ҳара, уезгьы, гәахәарала арҭ ажәақәа ҳҳәоит, абарҭ афразақәа абасҵәҟьа, цәанырра дула ирызныҟәо асасцәа гәахәарала иҳадаҳкылоит. Шәтәылаҿ иҟоу алҵшәақәа ҳрыхәаҧшыр, шәвизит ҳара ҳзы аҵакы ҷыда амоуп. Уажәы европатәи аекономика азарал ду амоуп. 1% еиҳаны аекономикатә азҳара змоу, шамахамзар, дуҧылом, уи ақәҿиара дуны иҧхьаӡоуп. Убри аҟынтә, шәара ишәымоу 7%-тәи аекономикатә азҳара агалактикатә хҭысуп. Уи шәара шәџьабаа ду ишабзоуроу здыруеит. Ҳара еснагь, гәахәарала, Венгриа шәҳадаҳкылоит, уи ҳара ҳзы ҳаҭыр дууп”, – иҳәеит Виктор Орбан.