Венециатәи акомиссиа  Алхратә закәанеидкылеи,  "Аполитикатә аидҵарақәа ирызку" азакәани реиҭахәаҧшреи, апарламент  арегламент ареформа амҩаҧгареи азы абжьагара ҟарҵеит
Венециатәи акомиссиа  Алхратә закәанеидкылеи,  "Аполитикатә аидҵарақәа ирызку" азакәани реиҭахәаҧшреи, апарламент  арегламент ареформа амҩаҧгареи азы абжьагара ҟарҵеит

«Венециатәи акомиссиа  Алхратә закәанеидкылеи,  “Аполитикатә аидҵарақәа ирызку” азакәани реиҭахәаҧшреи, апарламент  арегламент ареформа амҩаҧгареи азы абжьагара ҟарҵеит», — иануп Венециатәи акомиссиа аҳәамҭаҿы.

«Алхратә закәанеидкыла иадҳәаланы иазгәаҳҭар ҳҭахуп. Зымҩаҧгара шәҭаху аиҭакрақәа аполиткиатә партиақәа рзинқәа еиларгоит, дара аҳәынҭқарратә финансыркра роуам, хәыҧсада аефиртә аамҭа ахархәара рылшом, еиҟараны азинқәа роуам. Уи ииашам, аизбанзар аҳәынҭқарратә финансыркра змам апартиақәа роуп зегьы реиҳа хәыҧсада аефиртә аамҭа зҭаху. Уи еиҳангьы, хәыҧсада аефиртә аамҭа рыҭареи аҳәынҭқарратә финансыркра аиуреи азҵаарақәа изакәызаалак ак ала еидҳәалам.

Иара убас, Венециатәи акомиссиа даараӡа иаргәамҵуеит  «Аполитикатә еидҵарақәа ирызку» азакәан иалажәгар ишәҭаху аҧсахрақәагьы. Урҭ инрықәыршәаны, апарламент аҿы амандатқәа рыбжа ззымго апартиа ма алхратә блок, фымз рыҩнуҵҟа аҳәынҭқарратә финансыркра аиуам.  Венециатәи акомиссиа иалахәы тәылак адымхаргьы, уи аҿы апарламент аусура иалахәым апартиақәа рзы абри аҩыза асанкциақәа иҟам», — иануп аҳәамҭаҿы.