Вашингтон аус зуа акорреспондент  Алеқс Рауфоглу ишааицҳаз ала, хҩык асенаторцәа  акт  MEGOBARI  адкылара иақәшаҳаҭым.

Рауфоглу  асоциалтә аҳаҿы ишиҩыз ала,  арҭ асенаторцәа роуп  Марквеине Маллинеи, Маике Лии,   Рене Полеи.

«Акт MEGOBARI — зҵакы дуу ҩ-партиактәи азакәанпроектуп,  уи ала иазҧхьагәаҭоуп Путин иҳәатәы иацныҟәо арежим асанкциақәа рзышьақәыргылареи Қырҭтәыла евроатлантикатә аҧеиҧш адгылареи. Хҩык асенаторцәа  —  Марквеин Маллини, Маик Лии,   Рен Поли ари азакәанпроект адкылара иақәшаҳаҭым. Сара зҵаара заҵәык сымоуп  — избан? Ахаҭарнакратә Палатеи Сенат жәларбжьаратәи аусқәа рзы акомитети зҵакы дуу ари апроект иадгылеит», — иҩит Алеқс Рауфоглу.

Азакәанпроект  MEGOBARI ала иазҧхьагәаҭоуп  Қырҭтәыла иҳараку ачынуаа асанкциақәеи авизатә аҧкрақәеи рзышьақәыргылара. Аофициалла ари азакәанпроект иахьӡуп: «Китаи акоммунисттә партиеи,  ирантәи арежими,  Урыстәылатәи афедерациеи Қырҭтәылазы ирымоу  анырра аҿагылара».