Сенат иалоу ареспубликанцәа рдаҟьаҿы икьыҧхьуп   USAID аҧара ззоунашьҭыз апроектқәак рсиа.

Асиаҿы ишазгәаҭоу ала, Қырҭтәыла аекологиатә ганахьала ицқьоу атранспорт аҿиара иазоушьҭын  25 миллион адоллар.

Иара убас,   $4,5 миллион иныхын Казахстан адезинформациа аҿагылареи,  $20 млн. — Ираҟ ахәыҷтәы ателедырраҭареи азы.

Сенат иалоу ареспубликанцәа рҳәамҭала, егьырҭ апроектқәк инарываргыланы, USAID  20 миллион адоллар алнахит аусеилыргаратә журналистика адгыларазы; 1,1 млн адоллар иныхын Шәамахьтәыла  ЛГБТ-гәыҧқәа рыдгыларазы; 1,5 миллион адоллар Куба амедиақәыҧшылара аиҭашьақәыргыларазы; 2,1 миллион адоллар  BBC иазоушьҭын Ливиа амедиақәыҧшылара арҕәҕәаразы; 3,9 миллион адоллар Мраҭашәаратә Балканқәа рҿы  ЛГБТ апроблемақәа рыӡбаразы.