Самеба акафедралтә ныхабааҿы Қырҭтәыла Аҩнуҵҟатәи аусқәа рминистрра  аҵәиԥрыга акаҳараан  иҭахаз аԥырҩцәа Леван Чохелии Заза Лориеи, Дима Қааӡеи, Андро Қуџьошвилии, аиқәырхаҩцәа Каха Торчинавеи Гиорги Маргиании, аҳақьымцәа Қеҭи Гулагашвилии Гиорги Винецкии рпанихида мҩаԥысуеит. Апанихида мҩаԥигеит аҷҟәандар Шио.

Апанихидахь инеит Қырҭтәыла ахада, аԥыза-министр, аҳҭнықалақь ахада, азакәанԥҵаратәи анагӡаратәи мчра рхаҭарнакцәа.

Қырҭтәыла Аҩнуҵҟатәи аусқәа рминистрра аинформациа ала, аԥырҩцәеи аиқәырхаҩцәеи арратә ҳаҭыр ала анышә иарҭоит.

Ԥхынгәы 29 рзы Гудаури аҳәаатә полициа атәыз аҵәиԥрыга каҳаит. Аҵәиԥрыга Гудаури апарапланистцәа реиқәырхаратә аоперациа алахәын. Аҵәиԥрыга иақәтәан аԥырҩцәеи Аҩнуҵҟатәи аусқәа рминистрра иаҵанакуа Аҭагылазаашьа ҷыдақәа рхылаԥшра амаҵзура аиқәырхаҩцәеи амедикцәеи.