Қырҭтәыла ахада Саломе Зурабишвили  иахьа апарламент  аҿы иҟалаз ахҭысқәа дрыхцәажәан, ишылҳәаз ала, урҭ атәыла  ҧырхагара азааргоит.

«Уаҵәтәи амш Қырҭтәыла евроинтеграциазы, ҳтәыла аҿиаразы  аҵакы ду  амоуп. Баҭым иаҭаауеит Европатәи Ахеилак ахадеи Евроеидгылаҟны ассоциациатә тәылақәа  — Украинеи Молдовеи рхадацәеи!  Уи аҧхьа, иахьа, апарламент аҿы иҟалаз ахҭысқәа ҳтәыла иаҧырхагоуп!

Ауаҩытәыҩса изинқәа зехьынџьара ихьчазароуп, раҧхьа иргыланы, апарламент аҿы, избанзар  азакәанҧҵаратә орган ауаҩы изинқәа рыхьчаразы азинтә ашьаҭа аҧнаҵоит, уи ажәлар рзы зегьы рыла иҿырҧшыгазароуп!

АИХ ахаҭарнакцәа рҟны аизыҟазаашьақәа рыҧхасҭахара иадҳәаланы иазгәасҭар сҭахуп, аҭагылазаашьа егьа ицәгьазаргьы, атәылаҿы ажәа ахақәиҭреи агәаанагара аарҧшра ахақәиҭреи ихьчазароуп, АИХ ахаҭарнакцәа изакәызаалак ҧырхагак рымамкәа аус руратәы алшара рымазароуп! Уаҵәы, Баҭымтәи жәларбжьаратәи аконференциеи алидерцәа реиҧылареи аҿы  ҳтәыла ахықәкы  хада ҳалацәажәоит  — Европашҟа амҩа!  Ассоциациа иазку аиқәшаҳаҭра змоу 3 тәылак азеиҧш аҳәамҭа рыдыркылоит!  Европатәи аҭаацәара алалара иазку ҳгәазыҳәара аус ала ишьақәырҕәҕәазароуп, уаҵәы ҳара уи ҟаҳҵоит!», — илҳәеит Саломе Зурабишвили.