„Европа амш“ есышықәсатәи ауснагӡатәқәа рсиаҿ аҭыԥ ҷыда ааннакылоит, – иҳәеит Аиҳабыра радминистрациа аиҳабы Реваз Џьавелиӡе Европа амшқәа аҳәаақәа ирҭагӡаны имҩаԥгаз ауснагӡатә аҿы данықәгылоз.

Уи асасцәа аныҳәа рыдиныҳәалан, уи аҵакы дахцәажәеит.

„Иахьа “Европа иамшуп”. Ари амш шәыдысныҳәалар сҭахуп. „Европа амш“ есышықәсатәи ауснагӡатәқәа рсиаҿ аҭыԥ ҷыда ааннакылоит. Акандидат статус аиурагьы шазгәаҳҭо агәраганы сыҟоуп,” – иазгәеиҭеит Џьавелиӡе.

Аиҳабыра радминистрациа аиҿкаарала, лаҵара 6-7 рзы Қырҭтәыла Европа амшқәа мҩаԥысуеит.

Иацы, Испаниа амшқәа иазгәарҭеит. Ауснагӡатә аҳәаақәа ирҭанӡаны ҷыдала еиҿкаау ақәыԥшыларахь инеиуа асасцәа еиуеиԥшым аинсталлиациақәа ирбеит. Ицәырган амилаҭтә цәҩычақәа, ашәҭқәа, еиҿкаауп афотоқәыԥшылара. Испаниа амш аҿы иддырбеит Антонио Гадес игәыԥ “Фламенко ашоу”.

Европа амшқәа аҳәаақәа ирҭагӡаны иахьа, лаҵара 7 рзы Швециа амш иазгәарҭоит. Асасцәа швециатәи шеф-ахәыҟаҵаҩ , Густав Леонҳард имастеркласс рзымҩаԥыргоит. Имҩаԥысуеит швециатәи авторцәа рышәҟәқәа рцәыргақәҵа-џьармыкьа. Аныҳәа изыркәшахоит агәыԥ “Рилтон Ванер” аконцерт ала.