Иуникалу акультуреи атрадициақәеи змоу Қырҭтәыла ҳҭаацәара, Евроеидгыла иалалар ҳҭахуп. Евроеидгыла амҩаҿ шәаанха! Ари амҩаҿ ҳара ҳшәыдгылоит! – иҳәеит Қырҭтәыла иҟоу Евроеидгыла ацҳаражәҳәаҩ Павел Герчински Европа амш инамаданы иҟаиҵаз аҳәамҭаҿ.

Ацҳаражәҳәаҩ иажәақәа рыла, Евроеидгыла акандидат тәыла аҳасабла Қырҭтәыла Европа амш раԥхьаӡа акәны иазгәанаҭоит.

“Иахьа Европа иамшуп! Есышықәса ари амш аҽны аидгыла иалоу 27 тәылақәа рымҩа ҳахцәажәоит, урҭ еиԥшым аҭоурыхи акультуреи, аха азеиԥш хыәкқәеи ахәынаӡарақәеи  рымоуп.

Евроеидгыла акандидат тәыла аҳасабла Қырҭтәыла Европа амш раԥхьаӡа акәны иазгәанаҭоит. Ари аҭоурыхтә хҭысуп.

Қырҭтәыла хықәкыс амоуп Евроеидгыла алалара, ари азы инагӡатәуп иашьашәалоу ареформақәа, Евроеидгыла ахәынаӡарақәа гәык ала ирызныҟәатәуп.

Қырҭтәыла аидгыла алаларазы иашьҭанеиуа ашьаҿа аҟаҵара алшо алымшо ашықәс анҵәамҭазы Евроеидгылаҿ рыӡбароуп.

Ари алшара уажәы ишәымоуп. Ашанс шәымцәыӡын. Ҳашәқәа артуп! Шәаҳзыԥшуп!

Иуникалу акультуреи атрадициақәеи змоу Қырҭтәыла ҳҭаацәара, Евроеидгыла иалалар ҳҭахуп. Евроеидгыла амҩаҿ шәаанха! Ари амҩаҿ ҳара ҳшәыдгылоит!” – иҳәеит Қырҭтәыла иҟоу Евроеидгыла ацҳаражәҳәаҩ Павел Герчински Европа амш инамаданы иҟаиҵаз аҳәамҭаҿ.