Қырҭтәыла Аҧыза-министр Иракли Ҕарибашвили Азербаиџьантәи ареспублика ахада Ильҳам Алиев Азербаиџьантәи ареспублика амш идиныҳәалеит.

Аиҳабыра русмҩаҧгарҭа апресссмаҵзура адырра ала, аофициалтә адныҳәаларатә шәҟәы аҟны Иракли Ҕарибашвили иаҵшьны иазгәеиҭеит Азербаиџьантәи ареспубликаҟны астратегиатә партниорра Қырҭтәылазы аҵакы ду шамоу.

«Шәаҳаракыра, Қырҭтәыла аиҳабыреи, хаҭала, сареи ҳахьӡала, гәыкала ишәыдысныҳәалар сҭахуп Азербаиџьантәи ареспублика амш, шәареи аешьаратә азербаиџьан жәлари аҭынчреи, ашәҭыкакаҷреи, ақәҿиарақәеи шәзеиҕьасшьоит.

Азербаиџьантәи ареспубликаҟны астратегиатә партниорра Қырҭтәылазы аҵакы ду амоуп. гәахәарыла иазгәасҭар сҭахуп иаҳзеиҧшу аҽазышәарақәа рыбзоурала, ҳтәылақәа русеицуреи аигәыларатә еизыҟазаашьақәеи қәҿиарала аҿиара ишаҿу. Аамҭакала, ҳара, астратегиатә партниорреи аиҩызаратә еизыҟазаашьақәеи иҵегьы рырҕәҕәара ҳазҿлымҳауп, уи, ҳаҧхьаҟа, ҳтәылақәа рпрогресси рышәҭыкакаҷреи иацхраауеит.

Шәаҳаракыра,  даҽазнык ишьақәсырҕәҕәар сҭахуп ҷыдала ҳаҭыр шшәықәысҵо», — ианапу аофициалтә адныҳәаларатә шәҟәы аҟны.