Қырҭтәыла аҧыза-министр Иракли Ҕарибашвили Бриуссель аиҧыларақәа рымҩаҧгара наигӡоит. Европатәи ахеилак ахада Шарль Мишель аҧыза-министр дидикылеит аусуратә шьыбжьхьаҿы.

Қырҭтәыла аиҳабыра радминистрациа   адыррала,  аиҧылараҿы Қырҭтәыла евроинтеграциа апроцесс иалацәажәеит. Аганқәа рхаҭарнакцәа Еврокомиссиа 12 абжьагарақәа рынагӡара аганахьала иҟоу апрогресс иазааҭгылеит.

«Алидерцәа ишазгәарҭаз ала, атәыла европатәи аперспектива анашьара иазкыз аӡбара аҭоурыхтә аҵакы аман, дара иаҵшьны иазгәарҭеит ашықәс анҵәамҭаз Қырҭтәыла акандидат астатус анашьара аҵакы ду шамоу атәылазгьы, иара убас, аполиаризациа аҵыхәҧҵәаразгьы.

Аиҿцәажәараан хшыҩзышьҭра ҷыда азун арегионаҿ ашәарҭадара аҭагылазаашьеи, импыҵахалоу аҵакырадгьылқәа рҿы агуманитартә ҭагылазаашьа цәгьеи. Ҷыдала иалкаан арегионаҿ аҭынчреи аҭышәынтәалареи аиқәыршәаразы Қырҭтәыла инангӡо ароль ду. Абри аҩыза аҭагылазаашьаҿы, аҧыза-министр иаҵшьны иазгәеиҭеит арегионаҿ  аҭынчреи ашәарҭадареи аиқәыршәареи, иара убас, Амшын еиқәа арегион аҳәаақәа ирҭагӡаны атранспорттәи, аенергетикатәи, аинфраструктуратәи аимадарақәа рырҕәҕәареи азы абарҭ апроцессқәа рҿы Евроеидгыла алахәызаара аҵакы.

Иракли Ҕарибашвили Шарль Мишель ҭабуп ҳәа иеиҳәеит Евроеидгылахь Қырҭтәыла алалара апроцессаҿ иара хаҭала иҟаиҵаз алагала дуи Қырҭтәыла европатәи аперспектива анашьара адгылареи азыҳәан», — иануп аинформациаҿы.

.