Қырҭтәыла аиҳабыра Азеиҧш аҵара асистема ареформа амилаҭтә концепциа шьақәдырҕәҕәеит.

Иашьашәалоу адҵа инапы аҵаиҩит Қырҭтәыла аҧыза-министр  Иракли Кобахиӡе.

Азеиҧш аҵара асистема ареформа амилаҭтә концепциа ашьақәырҕәҕәара иазку адҵа

1.  «Қырҭтәыла аиҳабыра аилазаареи, азинмчқәеи, аусушьеи иазку» азакәан 5тәи ахәҭаҷ «р» апункт инақәыршәаны, ишьақәырҕәҕәоуп  «Азеиҧш аҵара асистема ареформа амилаҭтә концепциа».

2. Қырҭтәыла Аҵареи, аҵарадырреи, аҿар русқәеи рзы аминистрра, егьырҭ аминистррақәеи аҳәынҭқарратә усбарҭақәеи рҟны аусеицурала, еиқәнаршәароуп  «Азеиҧш аҵара асистема ареформа амилаҭтә концепциа» ала иазҧхьагәаҭоу аусмҩаҧгатәқәа рынагӡара, зыӡбахәы ҳәоу аконцепциаҿы иарбоу аҳасабтәқәа рынагӡаразы», – иануп адҵаҿы.

Азеиҧш аҵара асистема ареформа амилаҭтә концепциа адокумент ишану ала, Қырҭтәыла аҵара асистемаҿы апроблемақәа рацәоуп. Уажәтәи асистема аҵаҩцәа  аҳәынҭқарратә хәыцшьеи, аҭакҧхықәреи, аконкуренциалшареи рылааӡара еиқәнаршәом.

« 2024 шықәсазы,  20 шықәса рышьҭахь, азеиҧш аҵара амилаҭтә хықәкқәа адокумент ирҿыцуп. Ари адокумент аҿы аҵара асистема аҿиара шьаҭас иамазааша  апринципқәа иарбоуп.  Зыӡбахәы ҳәоу ахықәкқәа ирышьашәаланы, ашкол, амилаҭтәи  азеиҧш ауаатәыҩсатәи принципқәа ирышьашәаланы,  ирласны зҽызыҧсахуа ҳаамҭазтәи адунеи аҳасабтәқәа рыӡбара зылшо атәылауаҩ иааӡара еиқәнаршәароуп.

Азеиҧш аҵара амилаҭтә хықәкқәа абарҭ аҧыжәарақәа рышьаҭала иҳәаақәҵоуп: амилаҭтә аҷыдаҟазшьареи акультуратә ҷыдарақәеи рыхьчара; амилаҭтә бызшәеи, акультуреи, аҭоурыхи  шьаҭанкыла адырреи пату рықәҵареи; акультуратә ахкырацәара пату ақәҵареи аглобалтә қәыҧшылара аҭагылазаашьаҿы аинтеграциа алшареи; аҳәынҭқарратәи атәылауаҩратә хдырра змоу атәылауаҩ иааӡара; аҵаҩы ихаҭалатәи исоциалтә аҿиара ацхраара  – ацәанырратә интеллекти, аусеицура агәырҵҟәыли, аҭакҧхықәреи аҿиара ацхраара; изҩыдоу аҧсҭазаашьа аларҵәара.