«Қырҭтәыла аиҳабыра Ааиагәатә Мрагылараҿ имҩаҧысуа ахҭысқәа агәынамӡара дула ирыцклаҧшуеит, арегион атәылақәа зегьы ашәарҭара иҭагылоуп.  

Ирантәи аисламтә республикеи иранцәеи ҳрыдашшылоит, уаҟа зегьы реиҳа ирацәаны ауаа ҭахеит, иреиҳаӡоу алидери, егьырҭ аполитикатә лидерцәеи, акгьы зхарам ауааҧсыреи, жәаҩыла ахәыҷқәеи нрылаҵаны. 

Аиҩызарала иаҳзыҟоу Израили ауриа жәлари ҳрыдашшылоит, даргьы ари аибашьра амшала аҭынчуаа рцәыӡит.  

Қырҭтәыла аиҳабыра Аӡыбжьахалаҿ иҟоу апартниор тәылақәа  адгылара ҕәҕәа рзаадырҧшуеит.  

Хара имгакәа Ааигәатә Мрагылараҿы аҭынчра шьақәгылап ҳәа ҳгәыҕуеит, аибашьра ацынхәрас адипломатиеи аполитикатә диалоги шьақәгылароуп. 

Қырҭтәыла аиҳабыра ирылшо зегьы ҟарҵоит арегионаҿ иҟоу ҳтәылауаа ршәарҭадара аиқәыршәареи ринтересқәа рыхьчареи азыҳәан», — иануп Қырҭтәыла аиҳабыра иҟарҵаз аҳәамҭаҿы.