Польша ахада Анджеи Дуда Киев даҭааит. Ари атәы аарыцҳаит украинатәи аихқәа Польша ахада ипрессмаҵзура аҟынтә адырра ҵаҵӷәыс аҭаны.

Анджеи Дуда Владимир Зеленски диԥылароуп.

“Авизит аҳәаақәа ирҭагӡаны ахадацәеи атәылақәа рделегациақәеи рыбжьара имҩаԥысуеит ҩганкалатәи аиҿцәажәарақәа. Зҵаара хаданы иқәдыргылиот Украина иҟоу аҭагылазаашьа. Иара убас ирыхәаԥшуеит Украина арратә-економикатәии агуманитартәи цхыраареи ҩганкалатәи аизыҟазаашьақәеи ирызку азҵаарақәа,” – иануп анформациа аҿы.

Анджеи Дуда Польшантә дәыӷбала ддәықәлеит. Иахьа имҩаԥысран иҟоуп “Ҟрымтәи аплатформа” аҩбатәи асаммит, уи рхы аладырхәоит 60 тәылақәеи жәларбжьаратәи аиҿкаарақәеи рхаҭарнакцәа.

Ҟрымтәи аплатформа аҳәаақәа ирҭагӡаны имҩаԥысуа аиԥылара онлаин рхы аладырхәоит Германтәыла аканцлер, Канада аԥыза-министр, Иапониа аиҳабыра рнапхгаҩы, Нато амаӡаныҟәгаҩ хада Иенс Столтенберг.