Ҧхынҷкәын 1 инаркны «апаспорт иаҵәа» ахархәара амазаауеит
Ҧхынҷкәын 1 инаркны «апаспорт иаҵәа» ахархәара амазаауеит

«Ҧхынҷкәын 1 инаркны «апаспорт иаҵәа» ахархәара амазаауеит», — иҳәеит Иракли Ҕарибашвили аиҳабыра русмҩаҧгарҭаҿ имҩаҧгаз абрифинг аҿы.

Иара иажәақәа рыла, ауаҩҧсы  «астатус иаҵәа» имазаауеит иара ҩынтә алаҵа ҟаиҵахьазар, аҵыхәтәантәи  72 сааҭ рыҩнуҵҟала ПЦР атест, мамзаргьы аҵыхәтәантәи 24 сааҭ рыҩнуҵҟала експресс-тест ҟаиҵазар, насгьы, акоронавирус ачымазара ихигахьазар.

«Аилыркаарақәа ҟасҵар сҭахуп.   COVID-19 зхызгахьаоау ауааҧсыра рзы фымзтәи аҧкра иҟазар акәын, аха, сара абри аҧкра аҧыхра рыдазгалан, Аусбарҭабжьаратә хеилак алахәылацәа исықәшаҳаҭхеит. Убри аҟынтә, акоронавирус ачымазара зхызгахьоу ауааҧсырагьы «астатус иаҵәа» рымазаауеит.

«Апаспорт иаҵәа» хымҧада ирымазароуп  18 шықәса еиҳаны изхыҵуа ауааҧсыреи, иара уабс, атуристцәагьы.

Ахеилак аӡбара инақәыршәаны,  атәылауаа еиуеиҧшым аобиектқәа рыҩналара рылшоит  «апаспорт иаҵәа» мацарала. Ҳара акрыфаратә обиектқәа, агәырҿыхаратә центрқәа, акинотеатрқәа, аоператә театр, амузеиқәа, аконцерттә залқәа уҳәа, еиуеиҧшым аобиектқәа роуп ҳазлацәажәо.

Зыӡбахәы ҳәоу аҳәара аобиектқәа рҭааҩцәа роуп издызкьысло, уаҟа аус зуа ауаа ракәымкәа», — иҳәеит Иракли Ҕарибашвили.

 

Акомментари аҟаҵара