Нуца Бузалаӡе - Гәахәтәыс исыман Евровизиа афинал ахь аиасра, Қырҭтәыла сазгәдууп

11:13, 10.05.2024

Гәахәтәыс исыман Евровизиа афинал ахь аиасра, Қырҭтәыла сазгәдууп, – Қырҭтәыла ахаҭарнак Нуца Бузалаӡе Евровизиа афиналбжа ашьҭахь имҩаԥгаз апрессконференциа аҿы.

“Иҭабуп ҳәа шәасҳәар сҭахуп сыгәра ахьшәымаз. Агәахәтәқәа нагӡоит. Гәахәтәыс исыман Евровизиа афинал ахь аиасра, Қырҭтәыла сазгәдууп. Ақырҭуаа ҟазшьас ирымоу амца ахәаԥшцәа ирсырбар сҭахын. Асценаҿ санықәгылоз, стәыла аенергиа избог, стәыла бзиа избоит”, – илҳәеит Бузалаӡе.

Швециа, Малме ақалақьаҿ имҩаԥысуа Евровизиа 2024 аконкурс аҿы Қырҭтәыла ахаҭарнак Нуца Бузалаӡе афинал ахь диасит. Нуца Бузалаӡе ашәа Firefighter налыгӡеит. Лаҵара 11 рзы имҩаԥысуа афинал аҿы 24-тәи аномерс дықәгылоит.

Афинал аҿы иқәгылоит 26 тәылақәа рхаҭарнакцәа: Швециа, Украина, Германтәыла, Лиуксембург, Нидерланды, Израиль, Лиетува, Испаниа, Кстониа, Ирландиа, Латвиа, Бырзентәыла, Юританиа Ду, Норвегиа, Италиа, Сербиа, Финлиандиа, Португалиа, Шәамахьтәыла, Кипр, Швеицариа, Словениа, Хорватиа, Франциа, Австриа. Аконкурсантцәа рԥеиԥш ажиурии ахәаԥшцәеи еицырыӡбоит.

Лаҵара 11 рзы Евровизиа 2024 ишиашоу атранслиациа Қырҭтәыла Актәи аканал аҿы ижәбоит.

Евровидение

Нуца Бузалаӡе