Қырҭтәыла ахада Михаил Ҟавелашвили  ЕАР амаӡаныҟәгаҩ хада Антониу Гутерриш диҧылеит.

Атәыла ахада ипресс-маҵзура адыррақәа рыла, аиҧылараҿы аҭынчреи иҭышәынтәалоу аҿиареи аҵакы иалацәажәеит.

«Иаҵшьны иазгәаҭан Аахыҵ Кавказаҿ аҭынчреи аҭышәынтәалареи аиқәыршәараҿы Қырҭтәыла инанагӡо ароль», – иануп аинформациаҿы.

Михаил Ҟавелашвили ишиҳәаз ала, Қырҭтәыла анапхгара дара  иалырхыз аҭынчреи, аҭышәынтәалареи, аекономикатә аҿиареи аполитика иақәныҟәоит. ЕАР амаӡаныҟәгаҩ хада уи азыҳәан Қырҭтәыла ахада ҭабуп ҳәа иеиҳәеит.

«Аиҧылараҿы ЕАР амаӡаныҟәгаҩ хада иаҵшьны иазгәеиҭеит ҳара ақәыҕәҕәара ду шҳаагаз. Иара ҭабуп ҳәа сеиҳәеит Қырҭтәыла амҩа иаша ахьалнахыз азыҳәан. Зегьы уи рбоит, уи иазгәарҭоит, абри аҩыза ахәшьара аиура агәахәара ду ҳазцәырнагоит», – иҳәеит  Михаил Ҟавелашвили.

Қырҭтәыла ахада ЕАР асас дахьқәа рышәҟәы аҟны анҵамҭа ҟаиҵеит.