«Евроеидгыла акандидат тәылақәа ирыцхраароуп дара евопатәи амҩаҿ иаанхарцаз», — илҳәеит арҭбаара азҵаарақәа рзы еврокомиссар  Марта Кос.

Лара лажәақәа рыла, Евроеидгыла Британиа Дуи Қырҭтәылеи ирыдҳәаланы агха шахьыз еилыркаауеит,  убри аҟынтә, уажәы иаҳа иҕәҕәоу ашьаҿақәа рыҟаҵара иазыхиоуп.

Марта Косс ишазгәалҭаз ала,  2025 шықәса аҵакы ду амазаауеит арҭбаара аполитика иадҳәаланы Еврокомиссиа апозициа аганахьала.

«Ҳара, раҧхьаӡа акәны, аҳәаанырцәтәи аҽалагалара цәгьа аҧкразы афинанстә ресурсқәа алҳхит. Ари ацхыраара иаҵанакуан Евроеидгыла агибридтә ақәҿыҭра лас агәыҧ ахархәарагьы», — илҳәеит  Кос.

Лара лажәақәа рыла, уи абзоурала Молдова ахырҳагара ду аиуит.  Апарламенттә алхрақәа раҧхьа Маиа Санду ажәлар агәҽанҵара рылҭеит Урыстәыла европатәи амчқәа раҵархаразы шәкыла амиллион евро шнырхуа. Лара иаҵшьны иазгәалҭеит ари аҽалагалара аҿагыларазы Евроеидгыла агибридтә ақәҿыҭра лас агәыҧ ахархәара шрықәшәаз, уи абзоурала, Маиа Санду лпартиа аиааира агеит.

«Ҳара иаҳа ҳаиҕьын», — илҳәеит еврокомиссар.

Кос ишылҳәаз ала, Евроеидгыла, ахатә агхақәа рҟынтә аихшьаала аҟаҵара иалагеит.

«Британиа Ду ареферендум амҩаҧгара анырыӡба, Евроеидгыла абри апозициа рыман: уи рыҩныҵҟатәи усуп, ҳара уи ҳҽалаагалом. Ҳара ираҳамҳәеит: „Иҟалозар, ҳара ҳҿы шәаанха“. Қырҭтәыла иадҳәаланы убасҵәҟа иҟалеит, ҳара ибзиаӡаны иаадыруан Урыстәыла аҽалагалара шдууз, аха, ҳрыцымхрааит.

Ҳара урыстәылатәи анарративқәа ибзианы иҭаҳҵааит, уажәшьҭа урҭ Европа адгыларазы ҳхы иаҳархәоит.  Ҳара  аҕәҕәара ааҳарҧшыроуп, акандидат-тәылақәа рыҩныҵҟатәи адинамика иаҳа еиҕьны еилаҳкаароуп. Аиашаз, атәыла акандидат астатус аиузар, ҳара уи ацхраара иаҳуалуп», — илҳәеит  Кос.

Иааиуа амчыбжь азы аҭбаара азҵаарақәа рзы еврокомиссар акандидат-тәылақәа рпрогресс иазку есышықәсатәи ажәахә ҟалҵоит. Уи иадҳәаланы Кос ишазгәалҭаз ала,  «2025 шықәса арҭбааразы даараӡа ибзиан» ,  «аҵыхәтәантәи 15 шықәса ирылагӡаны абри аҩыза апрогресс иҟамызт», аха, лажәақәа рыла,  «ари амҩа даараӡа иуадаҩхоит».

«Анеҩстәи,  2026 шықәсазы азыҧҵәа иаҳа иҳаракхоит, араҟа азҵаара хада  цәырҵуеит: ҳара, Евроеидгыла аҳасабала, алҵшәа аиура ҳалшарыма?» — илҳәеит  Кос.