Иахьа изакәызаалак ҳәамҭак сзыҟаҵом, конкретла иҟаҳҵараны иҟоу сызшәаҳәом, аха, ари азҵаара ҳахәаҧшуеит, – иҳәеит Америка аҳәынҭқарратә маӡаныҟәгаҩ Марко Рубио Конгресс Ахаҭарнакратә палата адәныҟатәи аусқәа рзы акомитет аҿы данықәгылоз Џьо Уилсон ииҭаз азҵаара иадҳәаланы.

Џьо Уилсон интересс иман Аҳәынҭқарратә департамент  „Ақырҭуа гәахәтәы“ иадҳәаланы шьаҿақәас иҟанаҵо.

„Трамп иадминистрациа саҭабууп уажәы Қырҭтәыла иҟоу, Америка иаҿагыло   „Ақырҭуа гәахәтәы“ арежим иадҳәаланы еилыкка рпозициа ахьаадырҧшыз азыҳәан. Дара жьҭаара  26 рзы Қырҭтәыла имҩаҧгаз алхрақәа рылҵшәақәа рыҧсахит. Америкаҟны ассоциациа иазку аиқәшаҳаҭра еиларгеит. Дара америкатә еилахәырақәа ртәыла иалырцеит,  ахәаахәҭра ааныркылеит.  Кырҭтәыла Китаитәи акоммунисттә партиа иазырҭиит. Дара изныкымкәа ахада Трампи Америка анапхгареи раҳаҭыр ладырҟәит.  Убри адагьы,  ахақәиҭра бзиа избо ақырҭуаа  америкатә бираҟ ргәыдкыланы, Трамп иплакатқәа кны,  200 мшы ирылагӡаны,  фырхаҵарала адәахьы идәылҵуеит.  Америка иаҿагыло   „Ақырҭуа гәахәтәы“ ақырҭуа жәлар рыхьӡала ареалтә ахәшьара аҭаразы Аҳәынҭқарратә департамент иҟанаҵои?“ – дҵааит Џьо Уилсон.

Марк Рубио аҭак аныҟаиҵоз,  иаҵшьны иазгәеиҭеит Америка хықәкыс ишамоу амилаҭтә интересқәа рыхьчара.

„Ҧаса ишысҳәаз еиҧш,  Америка хықәкыс иамоуп амилаҭтә интересқәа рыхьчара. Убри аҟынтә,  ари азҵаара ҳахәаҧшны,  нас иаҳҳәоит адунеи азы зҵакы дуу аҭыҧқәа рҿы Америка иаҿагыло аиҳабыра аҟазаара ҳинтересқәа ирылоу ирыламу,  нас,  ари аиҳабыра ирыхәҭоу,  иашьашәалоу ашьаҿақәа ҟаҳҵоит. Уажәазы ари азҵаара ахәаҧшра ҳаҿуп,  ҳара авариантқәеи иҵегьы алшарақәеи  ҳрышьҭоуп.  Иахьа изакәызаалак ҳәамҭак сзыҟаҵом, конкретла иҟаҳҵараны иҟоу сызшәаҳәом, ари азҵаара ҳахәаҧшуеит, аха, иахьа исҳәар исылшо акоуп,  ҳара арегионалтә биуроқәеи аҭыҧантәи ҳофисқәеи ҳрыдҵаалоит, дара абжьагарақәа ҳарҭароуп иарбан шьаҿақәоу иаҳа алҵшәа зхылҵуа, Америка иаҿагыло аҳәынҭқарра анапхгара иаҳа изқәҿырҭо“, – иҳәеит Марко Рубио.