„Ақырҭуа гәахәтәы“ астандартқәа рылагьы,  аоппозициатә лидерцәа ирзықәдыргылаз аполитикатә ашьаҭа змоу ахарадҵақәа ҿаасҭоуп, — иҩит америкатә конгрессмен Џьо Уилсон асоциалтә аҳа  Х аҿы.

„Абри аҩыза ахымҩаҧгашьа Москвеи Пекини ирымоу адгылаҩцәа ртактика аныҧшуеит. Америка иаҿагыло  „Ақырҭуа гәахәтәы“ арежим рхатә уааҧсыра Москвеи, Тегерани,Пекини ирырҭоит“, — иҩит Уилсон.

Қырҭтәыла апрокуратура хада аҳәамҭа инақәыршәаны,  Михаил Саакашвилии, Гьаргь Вашаӡеи, Ника Гварамиеи, Николоз Мелиеи, Зураб Џьаҧариӡеи, Елене Хоштариеи, Мамука Хазараӡеи, Бадри Џьаҧариӡеи рзы ашьауҕатә ус хацыркуп  асаботажи, атәым ҳәынҭқарра аҕатә ауранагӡара ацхраареи,  Қырҭтәыла аконституциатә шьақәгылазаашьеи амилаҭтә шәарҭадареи иаҿагыло ауранагӡара аҧара азоушьҭреи, иара убас, мчыла аконституциатә аиҿкаара аҧсахра ма аиҳабыра рыхҳәаразы аргама ааҧхьара аҟаҵареи азы.