«Сара проектқәак сырзааҭгылар сҭахуп,  2022 шықәсазы ҳазлагаз апроектгьы уахь иналаҵаны. Уажәазы ари апроект афинансыркра астадиаҿ иҟоуп.  Аенергетикатә корридор иаҵәа – аглобалтә проектуп.  Уи абзоурала, Каспиатәи амшын аҟынтә, Қырҭтәыла иалганы, Амшын еиқәа ала, Европаҟа афымцалашара анагара ҳалшоит», — иҳәеит Азербаиџьан адәныҟатәи аусқәа рминистр Џьеиҳун Баирамов ақырҭуа иколлега Мака Боҷоришвилии иареи еицымҩаҧыргаз апресс-конференциаҿы.

Баирамов иажәақәа рыла,  Қырҭтәылеи Азербаиџьани инарываргыланы, ари апроект иалахәып Румынтәылеи Венгриеи.

«Егьырҭ атәылақәагьы ари апроект даараӡа иазҿлымҳауп. Ҳтәылақәа зыргәамҵуа азҵаарақәа иреиуп  ацыхәтә-оптикатә кабель ду ашьҭаҵареи аҿиареи, уи  XXI ашәышықәсазы аҿиаратә фактор хадоуп.  Ақырҭуеи азербаиџьантәи еилахәырақәа ари ахырхарҭала имаҷымкәа апроектқәа нарыгӡоит, арҭ аҵакырадгьылқәа рҿы урҭ роптимизациа абзоурала, аҧхьаӡацтә аимадара аусхкы аҿы арегион хадас ҳҟалар ҳалшоит», — иҳәеит Џьеиҳун  Баирамов.