Италиеи Венгриеи рҿы Қырҭтәыла ацҳаражәҳәаҩ ҿыцқәа шьақәдырӷәӷәеит.

Италиатәи Ареспубликеи, Рим иҟоу ЕАР ахаҭарнакреи (FAO, IFAD, WFP) рҿы Қырҭтәыла ацҳаражәҳәаҩс дҟаҵоуп Ҭамар Лилуашвили.

“Иахьа уажәраанӡа Ҭамар Лилуашвили Венгриаҿ Қырҭтәыла ацҳаражәҳәаҩс дыҟан, уаанӡа Болгариатәи ареспубликаҿ Қырҭтәыла ацҳаражәҳәаҩс дыҟан. Иара убас, еиуеиҧшым аамҭақәа рзы Аекономикеи иҭышәынтәалоу аҿиареи рзы аминистрра апрограмма „Иҟаҵа Қырҭтәылаҿ” аинвестициатә абжьагаҩс аус луан, иара убас, Қырҭтәыла Амилаҭтә инвестициатә агентра Invest in Georgia анагӡаратә директор иҭыҧ аанылкылон; Жәларбжьаратәи еизыҟазаашьақәа рцентр SCIS апрограммақәа ркоординаторс, анеҩс, адиректорс дыҟан. Убри адагьы, ауаажәларратә усқәеи аиҳабыратә еизыҟазаашьақәеи рзы абжьагаратә фирма The Edison Group абжьагаҩс дыҟан”, – иануп Адәныҟатәи аусқәа рминистра аланарҵәаз аҳәамҭа аҿы.

Венгриатәи  ареспубликаҿы Қырҭтәыла ацҳаражәҳәаҩ ҿыц Николоз Лалиашвили дҟаҵоуп.

“Николоз Лалиашвили Казахстан Қырҭтәыла ацҳаражәҳәаҩ дыҟан. Иара аҳәынҭқарратә маҵзураҿы аусура аҧышәа ду имоуп. Еиуеиҧшым аамҭазы аус иуан Қырҭтәыла Атәылахьчара аминистрреи, Амилаҭтә шәарҭадара амаҵзуреи, Аҳәынҭқарратә шәарҭадара амаҵзуреи, Иеиду аенергодистрибуциатә еилахәыреи рҿы. Николоз Лалиашвили Қырҭтәыла апарламент далахәын. Иара убас, еиуеиҧшым аамҭазы астудиа „Маестро” аполитикатә редакторс аус иуан, ателееилахәыра ,,Имеди” агенералтә директор ихаҭыҧуаҩс, нас, агенералтә директорс дыҟан”, – иануп аҳәамҭа аҿы.