«Иарбанзаалак алхратә процесс аҽалархәра аҵакы амам», — иҳәеит апартиа  «Иаку амилаҭтә ҵысра» алахәыла  Иракли Павленишвили.

Иара ишиҳәаз ала,  «Иаку амилаҭтә ҵысра» ахаланапхгаратә органқәа рахь алхрақәа рҽалархәра агәы иҭам.

«Қырҭтәыла уаҳа аофициалтә алхратә демократиас иҧхьаӡам. Аҵыхәтәантәи аамҭазы атәылаҿ ирыдыркылаз азакәанқәа анаҧшцәа ринститутгьы иқәиҭымыртәуеит. Убри аҟынтә, иарбанзаалак алхратә процесс аҽалархәра аҵакы амам. Арҭ ауаа  аоппозициатә аполитикатә партиақәа зегьы раҧыхра ргәы иҭоуп, асистематә оппозициа мацара аанрыжьуеит. Убри аҟынтә,  ари азҵаара хшыҩзышьҭра ҷыда азутәуп  ҳәа сгәы иаанагоит», — иҳәеит  Иракли Павленишвили.

Иара иажәақәа рыла, амҩатә протестқәа рыда уаҳа ҧсыхәа рымам.

«Инеизакны аоппозициаа ҳрылацәажәозар  — аиаша ҳҳәароуп: атәылаҿы уаҳа изакәызаалак адемократиатә процесск иҟам. Атәылаҿ аполитикатә партиақәа раҧыхра иаҿуп, ихьыҧшым АИХқәеи иҳәынҭқарратәым аиҿкаарақәеи  иқәырхуеит.  Абри аҩыза аҭагылазаашьаҿы апланқәа ҳазрылацәажәом. Атәылаҿ азакәан иҟамзар, аиашаӡбара иҟамзар, анапхгара рхаҭа Аконституциа еиларгозар, ҳара  амҩатә протестқәа рыда уаҳа ҧсыхәа ҳамам», — иҳәеит Иракли Павленишвили.