Қырҭтәыла аԥыза-министр Иракли Кобахиӡе Жларбжьаратәи авалиутатә фонд (IMF) амиссиа анапхгаҩы Алехандро Ҳажденберги, афонд анагӡаратқ директор Жерон Кликси, Қырҭтәыла иҟоу афонд еснагьтәи ахаҭарнак Ендриу Џьуели дырԥылеит.

Аиԥылараҿ Қырҭтәыла аекономикатә азҳара адинамикеи, амакроекономикатә ҭышәынтәалареи, аструктуратә реформақәа рымҩаԥгара апроцесс аҿы Авалиутатә фонд ароли ирылацәажәеит. Аиҳабыра рхантәаҩы аҳәынҭқарратә наплакқәа рнапхгараҭара ареформа дазааҭгылеит. Уи Жларбжьаратәи авалиутатә фонд абжьгарақәа иреиуан. Қырҭтәыла аԥыза-министр ишазгәеиҭаз ала, аҳәынҭқарратә наплакқәа русзура аиӷьтәразы, ари апроцесс активла нагӡоит.

Аиԥылара алахәылацәа аџьармыкьа адиверсификациеи, арегионалтә ахәаахәҭратә аимадарақәа реиӷьтәреи, акапитал аџьармыкьа аҿиареи, аенергетикатә шәарҭадара арӷәӷәареи ирызку азҵаарақәагьы ирзааҭгылеит. Аԥыза-министр ишазгәеиҭаз ала, Жларбжьаратәи авалиутатә фонд Қырҭтәыла аҟны аусеицура иҳаракны ахә ашьоит. 

Қырҭтәыла IMF “Аԥшьбатәи ахәҭаҷ аконсультациақәа” рмиссиа аҳәаақәа ирҭагӡаны Қырҭтәыла иаҭааз Жларбжьаратәи авалиутатә фонд амиссиа анапхгаҩы афонд анагӡаратә директори ишазгәарҭаз ала, ари афонд наҟ-наҟгьы Қырҭтәыла аиҳабыра рҟны аусеицура иазыхиоуп.