Иҳаҩсыз 35 шықәса рыҩныҵҟала ҳтәыла еиуеиҧшым ԥшьеибашьрак ирхысит, убри аҟынтә, ҳтәыла аҭынчра зыҧсоу ибзиаӡаны иадыруеит, ҳтәылаҿы аҭынчра арҕәҕәаразы иаҭаху зегьы ҟаҳҵоит, уи аҵакы ду амоуп  – ари аус ибзианы инаҳагӡоит, – иҳәеит Қырҭтәыла аҧыза-министр Иракли Кобахиӡе Иҭышәынтәалоу аҿиара Қарҭтәи арегионалтә форум аҿы данықәгылоз. 

Аиҳабыра рнапхгаҩы ишиҳәаз ала, ақәыҕәҕәара ду шыҟазгьы, аҵыхәтәантәи ашықәсқәа рзы атәыла анапхгара Қырҭтәылаҿ аҭынчра ахьчара рылшеит, арегионаҿгьы еиҧҟьарада аҭынчра иадгылоит. 

„Ари аусмҩаҧгатә ҳтәылазы аҵакы ду амоуп, гәахәарала иазгәасҭар сҭахуп  ари аусмҩаҧгатә аҿы жәиҧшьынтә зранг ҳараку асасцәа шҳадаҳкыло. Сынтәатәи аконференциа атема зеиҧшҟамлац аҵакы амоуп – аҭынчра ароль атәылаҿгьы инеизакны адунеиаҿгьы иҭышәынтәалоу асоциал-економикатә аҿиаразы.  Иҳаҩсыз 35 шықәса рыҩныҵҟала ҳтәыла еиуеиҧшым 4 еибашьрак ирхысит, убри аҟынтә, ҳтәыла аҭынчра зыҧсоу ибзиаӡаны иадыруеит, ҳтәылаҿы аҭынчра арҕәҕәаразы иаҭаху зегьы ҟаҳҵоит, уи аҵакы ду амоуп  – ари аус ибзианы инаҳагӡоит.  Ақәыҕәҕәара ду шыҟазгьы, аҵыхәтәантәи ашықәсқәа рзы атәыла анапхгара Қырҭтәылаҿ аҭынчра ахьчара рылшеит, убри адагьы, арегионаҿгьы, ҳакәша-мыкәша,  еиҧҟьарада аҭынчра ҳадгылоит, уи ҳтәыла аҿиаразы аҵакы ду амоуп“, – иҳәеит аԥыза-министр.