Аспорттә инфраструктура, аспорттә ашҭақәа реиҿкаара зҽазызкуа аинвестор 20 шықәса аҿҳәарала, иашьашәалоу адгьылҭыҧқәа қьырала игар илшоит, – – иҳәеит иахьа имҩаԥгаз аиҳабыра реилатәара аҿы Қырҭтәыла аԥыза-министр Иракли Кобахиӡе.

Иракли Кобахиӡе ишиҳәаз ала, аспорттә инфраструктура иазку апрограмма ҷыда рыдыркылараны иҟоуп, уи хықәкыс иамазаауеит аспорттә инфраструтура аҿиареи уи ахархәара аманшәалара аизырҳареи.

„Ашколтә инфраструктура, иаҳҳәап, ашколқәа рҿы иҟоу ашҭақәа, 100 метр аура зму ашҭақәа уҳәа, атәыла зехьынџьара имаҷымкәа аспорттә обиектқәа рҭагылазаашьа цәгьоуп. Қарҭ мацара  20 раҟара ашколтә стадионқәа ирҽеитәуп. Арҭ аресурсқәа излауа ала еффективла ҳхы иаҳархәар ҳҭахуп. Убри аҟынтә, амассатә спорти ақәҿиара дуқәа зхылҵуа аспорти иаҳа рырҿиареи, иара убас, ахәыҷтәы спорт аҿиареи иацхрааша апрограмма ҿыц сазааҭгылар сҭахуп. Уи ҳәынҭқарратә школқәа рҿы иҟоу аспорттә ашҭақәеи, иара убас, абри аҩызаҵәҟьа афункциа заур зылшо егьырҭ аҳәынҭқарратә адгьылҭыҧқәеи ирыдкьыслоит.Апрограмма инақәыршәаны, аспорттә инфраструктура, аспорттә ашҭақәа реиҿкаара зҽазызкуа аинвесторцәа, ари аҧхықәра рхы иадырҵар,   20 шықәса аҿҳәарала, иашьашәалоу адгьылҭыҧқәа қьырала ираҳҭоит. Жәашықәса рыҩныҵҟа аинвесторцәа асимволтә ақьыра ишәоит, анеҩстәи 10 шықәса рыҩныҵҟа  – ақьыра ишәоит аџьармыкьатә ахәҧса инақәыршәаны.  Аиашаз, аинвесторцәа, аинвестициа ацынхәрас, 10 шықәса ирылагӡаны ашәахтә ашәара рықәшәом.  Апрограмма аҽалархәра алшоит аинвестициатә проекти абанктә гарантиеи цәырызго иарбанзалак анаплакратә субиект“, – иҳәеит Иракли Кобахиӡе.