Иракли Ҕарибашвили Еврокомиссар Оливер Варҳеи диҧылеит
Иракли Ҕарибашвили Еврокомиссар Оливер Варҳеи диҧылеит

Қырҭтәыла аҧыза-министр Иракли Ҕарибашвили, Бриуссель ивизит аҳәаақәа ирҭагӡаны, Европатәи агәыларатә политикеи арҭбаара азҵаарақәеи рзы  Еврокомиссар Оливер Варҳеи диҧылеит.

Аиҧылараҿы хшыҩзышьҭра рызун Қырҭтәылеи Евроеидгылеи реизыҟазаашьақәа рҿы ахадаратә ҵакы змоу ахырхарҭақәеи Мрагыларатә партниорра асаммит аусхәаҧштәи.  Ишазгәаҭаз ала, аҵакы ду амоуп асаммит аполитикатә декларациаҿы Қырҭтәылазы зҵакы дуу азҵаарақәа раарҧшреи, Мрагыларатә партниорра  Евроеидгылазы астратегиатә ҵакы шамоу ашьақәырҕәҕәареи, Қырҭтәыла ахьыҧшымреи аҵакырадгьылтә акзаареи адгылареи.
Аиҧылараҿы аиҳабыра рнапхгаҩы иаҵшьны иазгәеиҭеит  европатәи аџьармыкьашҟа етапла аинтеграциа, аенергетикатәи арыцхәтәи аимадарақәа рырҕәҕәара, Амшын еиқәа апотенциал инаӡаны ахархәара уҳәа, ақырҭуа аган рзы зҵакы дуу азҵаарақәа.
Аганқәа рхаҭарнакцәа Мрагыларатә партниорра аусхәаҧштә ҿыц ашьақәырҕәҕәара иалацәажәеит, уи  партниор тәылақәа ирыцхраауеит ашәарҭадареи, аекономикеи, аинститутқәеи, ауаажәларреи, аҧсабарахьчаратәи арыцхәтәи трансформациа амеханизмқәеи  рырҕәҕәараҿы.  Аусхәаҧштә ҿыц ала иазҧхьагәаҭоуп  аконкреттә хықәкқәа рынагӡара, урҭ нагӡахоит Евроеидгыла ирыдыркылаз арегионалтә инвестициатә план ҿыц инақәыршәаны.

Аиҳабыра рнапхгаҩы еврокомиссар Варҳеи ҭабуп ҳәа иеиҳәеит аҵыхәтәаны Қырҭтәыла даныҟаз  Мрагыларатә партниорра иалахәы аҳәынҭқаррақәа аекономикатә инвестициатә план рызцәыргаразы. Иара ишазгәеиҭаз ала,  Қырҭтәыла аиҳабыра, абарҭ апроектқәа рынагӡаразы активла аусура иаҿуп. Иракли Ҕарибашвили иаҵшьны иазгәеиҭеит зыӡбахәы ҳәоу аинициативаҿы Еврокомиссиеи Евроеидгыла иалоу аҳәынҭқаррақәеи рҟынтә адгылара аҵакы ду шамоу.

Еврокомиссиаҿы имҩаҧгаз аиҧылараан иаҵшьны иазгәаҭан европатәи евроатлантикатәи интеграциа апроцесс аҿы Қырҭтәыла иҟоу апрогресси Ассоциациа иазку аиқәшаҳаҭра аҳәаақәа ирҭагӡаны имҩаҧгоу ареформақәеи. Аҧыза-министр ишазгәеиҭаз ала, аиҳабыра амбициатә план рымоуп, Евроеидгыла алалара амзызла, 2024 шықәсазы аофициалла азыҳәамҭа ҟарҵоит, убри аҟынтә, абри ахықәкы анагӡаразы, ареформақәа рымҩаҧгара нарыгӡоит.

 

 

Акомментари аҟаҵара