«Қырҭтәыла аидҵара иаҳзеиҧшу хықәкуп, избанзар, агәра ганы ҳаҟоуп иаку атәыла ҕәҕәа аҿы анхара  – ҳажәларқәа рзы иреиҕьу аперспектива шакәу», – иҩит Қырҭтәыла аҧыза-министр Иракли Ҕарибашвили  Facebook аҿы.

Аиҳабыра рнапхгаҩы ишазгәеиҭаз ала, атәыла аидҵара ҟалоит аҭынчратә процесси,  адиалоги,  аусеицуреи мацарала.

«1993шықәса цәыббра  27 рзы  Аҟәа акаҳара ҳтәыла аҭоурых аҿы атрагедиатә мшны иҟалеит.

Аибашьра амшала зқьҩыла ауааҧсыра рыҧсадгьылаҿы ахҵәацәас иҟалеит, аха, уи адагьы, ҳтәылауаа рацәа  ари аибашьра иалаӡит, абри ауп зегьы реиҳа идуу арыцҳара. Арҭ ауаа руацәа срыдашшылоит.

Абри амш инаркны Қырҭтәыла аидҵара иаҳзеиҧшу ҳасабтәны иаҳзыҟалеит, избанзар, агәра ганы ҳаҟоуп иаку атәыла ҕәҕәа аҿы анхара  – ҳажәларқәа рзы иреиҕьу аперспектива шакәу.

Иара убас, агәра ганы ҳаҟоуп атәыла аидҵара шыҟало аҭынчратә процесси адиалоги аусеицуреи мацарала.

Ақырҭуааи аҧсуааи акзаареи, аҭынчреи, амшхәыбзазареи ауп ирҧеиҧшу», — иҩит Ҕарибашвили.